Texts
Return to review | Return to list
Puavil tulou Kritale
history
June 21, 2023 in 16:18 Нина Шибанова
- changed the title of the translation
from Деяния апостолов 26:1-12
to Деяния апостолов 27:1-12
June 21, 2023 in 16:06 Нина Шибанова
- created the text
- created the text translation
- created the text: 1 Konzu oli sovittu meil lähtie vetty myö Italieh, Puavilua da erähii toizii kiiniotettuloi annettih Keisarin kogortah kuulujan suanpiällikön Juulien käzih. 2 Myö nouzimmo adramittalazeh laivah, kudamal pidi mennä Aazien laivuvalgamoloih, i lähtimmö merele. Meijänke oli makedonielaine Aristarhu, Fessalonikan linnaspäi. 3 Tossupiänny myö nouzimmo randah Sidonas. Juulii pidi Puavilua hyvin, andoi hänele kävvä uskovellien luo, ku suaha heis abuu. 4 Siepäi merele lähtiettyy menimmö Kipru-suaren tyynen rannan myödäh sendäh, ku tuuli oli vastaine. 5 Meres poikki piästyy Kilikien da Pamfilien kohtal tulimmo Mirah, kudai on Likies. 6 Sie suanpiällikkö löydi aleksandrialazen laivan, kudai oli lähtemäs Italieh, i pani meidy sih. 7 Äijän päiviä menimmö hil՚l՚azeh edehpäi i odva piäzimmö Knidan kohtale.^ Ku tuulen täh emmo voinnuh mennä sinne, kunne tahtoimmo, menimmö siiriči Salmonan niemes Kritan tuulettomale puolele. 8 Liikkujen rannan myödäh, gor՚anke piäzimmö kohtah, kudamua sanottih Čomat Valgamot da kudai oli lähäl Lasein linnua. 9 Myö menetimmö äijän aigua, pyhän aigugiqoli jo jällel, i merel liikundu oli varattavu. Sendäh Puavil opii kieldiä heidy: 10 «Miehet, minä tiijän, merimatku roih jygei da varattavu ei vai vedämizile da laivale, a meijän hengelegi». 11 A suanpiällikkö enämbäl uskoi laivan piälliköle da ižändäle, miku Puavilan sanoile. 12 Gu tämä valgamo oli pädemätöi laivan seizondukohtakse talvel, enimät oldih sidä mieldy, ku matkata ielleh.^ Hyö tahtottih kuitahto piästä talvekse hot Finikkah, yhteh Kritan valgamoh, kudai oli lounahan da luodehen vastal.