Texts

Return to review | Return to list

Hilippä kaštau efiopijalaisen jeunuhin

history

June 29, 2023 in 11:36 Нина Шибанова

• created the text
• created the text translation
• created the text: ²⁶ Hospotin anheli pakasi Hilipällä, še šano näin: «Lähe šuveh päin ta mäne šillä tiellä, mi viey Jerusalimista tyhjän muan läpi Gassah». ²⁷Hilippä läksi šinne. Juštih šillä aikua šitä tietä myöte ajo korkiearvoni efiopijalaini herra, jeunuhi.^ Hiän oli Efiopijan čuarittaren, kandakin, kallehukšien kaččoja ta oli käynyn Jerusalimih moliutumah. ²⁸Nyt hiän oli mänöššä kotih, istu kärryššä ta luki Jumalan viessintuojan Isaijan kirjua. ²⁹ Pyhä Henki šano Hilipällä: «Mäne lähemmäkši ta pisyttele kärryn viereššä». ³⁰Hilippä juoksi kärryn luo ta kuuli, jotta mieš lukou Jumalan viessintuojan Isaijan kirjua.^ Hiän kyšy: «Näkyy, jotta šie luvet, ka maltatko, mitä luvet»? ³¹Mieš vaštasi: «Mistäpä mie malttasin, kun kenkänä ei šelitä»? Hiän pyritti Hilippyä noušomah kärryh ta istumah hänen rinnalla. ³²Pyhien Kirjutukšien kohta, mitä hiän luki, oli tämä: – Niin kuin lammašta Häntä vietih isettäväkši, niin kuin vuonna, mi on iänettäh keriččijän käsissä, šamoin Hiänki ei šuutah avannun. ³³ Häntä alennettih, ei suutittu oikiella suutulla. Ken voit paissa Hänen jälkiläisistä, šentäh kun Hänen elämä otetah pois muan piältä? ³⁴Jeunuhi šano Hilipällä: «Voisitko šanuo, keštä Jumalan viessintuoja täššä pakajau, ičeštähkö vain keštänih muušta»? ³⁵ Hilippä rupesi pakajamah.^ Hiän alotti tuošta Pyhien Kirjutukšien kohašta ta šaneli miehellä Hyvyä Viestie Iisussašta. ³⁶Hyö matattih ielläh ta tultih vesirantah. Jeunuhi šano: «Täššä on vettä.^ Mipä eštäis kaštua miut»? ³⁷Hilippä šano hänellä: «Kun šytämeš pohjašta uškonet, niin šen šuattau ruatua». Jeunuhi vaštasi: «Mie ušon, jotta Iisussa Hristossa on Jumalan Poika». ³⁸ Hiän käški piettyä kärryn, ta hyö molen, Hilippä ta jeunuhi, aššuttih veteh, ta Hilippä kašto hänet. ³⁹ Konša hyö nouštih veještä, Pyhä Henki laškeutu jeunuhin piällä, a Hospotin anheli tempasi Hilipän pois šieltä.^ Jeunuhi ei enämpi nähnyn Hilippyä, ka ilomielin jatko matkua. ⁴⁰ Šen jälkeh Hilippyä nähtih Asotašša.^ Hyvyä Viestie šanellen hiän matkasi linnašta toiseh, kuni ei tullun Kesarijah.