Texts

Return to review | Return to list

Kahakka Efessašša

history

July 10, 2023 in 14:27 Нина Шибанова

• created the text
• created the text translation
• created the text: ²³ Noih aikoih šattu Efessašša melkoni kahakka Hospotin Tien tähen. ²⁴Linnašša eli eryäš Dimitrinimini hopiemuasteri, kumpani luajitti hopiešta pikkaraisie Artemidan pyhäkköjä ta näin hankki käsityöläisillä melkosie tuloja. ²⁵Hiän keräsi omat ta muut šaman työn ruatajat ta šano: «Miehet, työ tiijättä, jotta myö tienuamma hyvin tällä työllä. ²⁶No nyt niättä ta kuuletta, mitein tuo Puavila omilla pakinoilla muanitti ta kiänti puolellah šuuren joukon ihmisie, ei yksistäh tiälä Efessašša, vain melkein koko Aasijan muakunnašša.^ Hiän šanou, jotta ihmiskäsien luajokšet ei olla mitänä jumalie. ²⁷Täštä voit koituo še, jotta miän ruato joutuu pahah mainivoh, ta vieläi šuuren Artemida-jumalattaren pyhäkkyö ei enämpi pietä arvošša.^ Šilloin Artemida kavottau oman mainivon, hiän, kumpasella kumartelou koko Aasija ta koko muailma». ²⁸ Näistä šanoista käsityöläiset äijälti šiännyttih ta alettih karjuo: «Šuuri on Efessan Artemida»! ²⁹Koko linna joutu kuohukših. Kaikin lähettih juokšomah teatterih ta temmattih matkah Puavilan matkalaiset, makedonijalaiset Gaija ta Aristarh. ³⁰ Puavila halusi männä rahvašjoukon eteh, vain opaššettavat ei lašettu häntä. ³¹Šamoin eryähät Aasijan muakunnan korkiet valtamiehet, Puavilan tovarissat, työnnettih hänellä viesti ta varotettih, jotta hiän ei mänis teatterih. ³² Teatterissa oli kaikki šekasin: yhet karjuttih yhtä, toiset toista.^ Šuurin oša keräytynehistä ei tiijetty, mitä vaššen tultih. ³³ Šiitä rahvašjoukko huomasi Aleksanterin, kumpaista jevreit työnnettih eteh. Aleksanteri nošti kiän, šentäh kun hiän tahto puolistautuo. ³⁴Kun ihmiset huomattih, jotta hiän on jevrei, niin hyö karjuttih kaikin yhteh iäneh: «Šuuri on Efessan Artemida»!^ Šitä karjehta kešti melkein kakši tuntie. ³⁵Viimein linnan eryäš virkamieš šai rahvahan rauhottumah.^ Hiän šano: «Efessan miehet! Kenpäš ei tietäis, jotta Efessan linna on pantu kaččomah šuuren Artemidajumalattaren pyhäkotie ta hänen taivahašta kirvonnutta pačašta? ³⁶Tätä kenkänä ei voi kiistyä.^ Šentäh tiän pitäy pisyö rauhašša eikä ruatua mitänä hätäpäissä. ³⁷ Nämä miehet, kumpaset työ kulettija tänne, ei ryöššetty Artemidan pyhäkotie eikä haukuttu tiän jumalatarta. ³⁸ Kun Dimitrillä ta hänen kera ruatajilla käsityöläisillä ollou valituš ketänih vaštah, niin šitä vaššen on suutu ta valtamiehet.^ Anna hyö šielä sualiuvutah toini toisen piällä. ³⁹A kun teilä ollou muita as's'oja, niin niistä piättäy sakonanmukani rahvahankerähmö. ⁴⁰No tämänpäiväsen takie meitä voijah viärittyä, jotta nousima vallanpitäjie vaštah.^ Emmäkä myö voi millänä šelittyä tätä kahakkua». Tämän šanottuo hiän šai rahvašjoukon hajuomah.