Texts

Return to review | Return to list

Jerusalim pandas mantazale

history

March 21, 2022 in 17:33 Nataly Krizhanovsky

• changed the title of the translation
  from Jerusalim pandas mantazale
  to Лука 21:20-33

August 11, 2020 in 11:24 Валентина Старкова

• created the text translation

June 17, 2020 in 19:54 Andrew Krizhanovsky

• changed the text
  ²⁰«Konz tö nägištat saldatjoukuid ümbri Jerusalimas, siloi tedištat, miše sen murendamine om läz. ²¹Siloi kaikile, ked eläba Judejas, tarbiž pageta mägile. Nenile, kudambad oma lidnas, tarbiž joksta sigäpäi, a ked oma küliš, heile ei tarbiž tulda lidnaha. ²²Sikš ku nene päiväd oma Jumalan namestusen päiväd, ka todenzub kaik, midä om kirjutadud. ²³Voi nenid, kudambad nenil päivil oma kohtukahad vai imetaba lapsid! Neche maha tuleb sur’ ahtištuz, necidä rahvast vasttab viha.²⁴Äi rahvast riktas surel veičel, toižid tabatas i väges vedas kaikjale verhiže maihe, i Jumalad tundmatomad rahvahad otaba Jerusaliman ičeze valdha. Nece linneb sihe aighasai, kuni lopiše heiden aig. ²⁵Päiväižes, kudmaižes i tähthiš näguškandeba znamad. Meren aldod löden juraidaškandeba, i rahvahad man päl linneba sures ahtištuses i ei el’gendaškakoi, midä tehta. ²⁶Mehed surmhasai pöl’gästuba sidä, mi tuleb necen mirun päle, sikš miše taivhan väged säregandeba. ²⁷Siloi hö nägištaba Mehen Poigan, kudamb tuleb pil’ves sures väges i hoštoteses. ²⁸Konz kaik nece zavodib tehtas, lekat päd rohktas, sikš miše tuleškanzi teiden vald.» ²⁹Hän sanui heile ozoitezstarinan: «Kackat smokvanpuhu dai kaikihe puihe. ³⁰Ku näget niiden puhknuded urbad, ka tö tedat, miše keza om jo läz. ³¹Muga se-ki, ku nägištat kaik nene azjad, ka tekat, miše Jumalan valdkund om läheli. ³²Todeks sanun teile: nügüdläine rahvaz ei kado sihesai, konz kaik nece tegese. ³³Taivaz i ma kadoba, no minun sanad ei kadogoi.»
• changed the comments of the source
  from Evangelii Lukan mödhe. Iisus pagižeb, midä linneb jäl’ghe 21:5-38
  to Evangelii Lukan mödhe. Iisus pagižeb, midä linneb jäl’ghe 21:5-38 От Луки святое благовествование, Глава 21. Библия (Синодальный перевод). en=Luke|21