Texts
Return to review | Return to list
Ristikanzan rodu on riähkähine
history
August 08, 2023 in 16:35 Нина Шибанова
- created the comments: Kirjaine Riimalazile.
August 08, 2023 in 16:19 Нина Шибанова
- created the text: 18 Jumalan viha jiävihes taivahaspäi, se tulou kaiken jumalattomuon da viäryön piäle, kudamua luajitah rahvas, kudamat pietäh tozi viäryön vallas. 19 Sen, midä Jumalas voibi tiediä, hyö voijah nähtä.^ Jumalhäi jiävii sen heile. 20 Se, mi on Hänes nägymätöi – Hänen ilmanigäine vägi da jumalus –, muailman luajindua myö on ellendettävis, gu kaččuo Hänen ruadoloi.^ Sendäh heil ei ole mil puolistua iččie. 21 Hos hyö tiettih Jumalua, hyö ei kunnivoittu eigo kiitetty Händy Jumalannu, a heijän mielet roittih tyhjänpäiväzikse, i heijän ellendämättömis sydämis rodih pimei. 22 Hyö kiistettih, buite ollah mielevät, a iče roittih mielettömäkse. 23 Kaduomattoman Jumalan taivahalline valgei hyö vaihtettih kaduojien ristikanzoin, linduloin, n՚ellijalgazien da vilizijöin kuvih. 24 Sendäh Jumal hylgäi heidy heijän sydämen himolois paganoih ruadoloih, toine toizenke huiguamah omua rungua. 25 Jumalan tozi hyö vaihtettih kielahuoh, hyö palvottih luajittuu da sluužittih hänele, a ei Luadijale – ylendetty olgah Häi ilmazen ijän, amin՚. 26 Sikse Jumal jätti heidy huijustettavien himoloin valdah. Naizet vaihtettih luonnolline yhtyndy miehenke luonnonvastazeh, 27 mugai miehet hyllättih luonnolline yhtyndy naizenke, i heis sytyi himo toine toizeh. Miehet, kudamat ruatah keskenäh huigiedu ruaduo, suajah tämän hairehtundan mugahine tazuandu omas ičes. 28 Gu hyö ni huoles ei pietty, kui pidiä Jumalua mieles, Jumal jätti heidy heijän pädemättömien mielien valdah ruadamah sidä, midä ei suas ruadua. 29 Hyö ollah tävvet kaikenjyttymiä viärytty, pahuttu, ahnehuttu, vihua, kadehuttu, tapanduhimuo, ollah riijačut, muanittelijat, pahantahtojat da kielenkandelijat, 30 pahanpagizijat, Jumalan vihuajat, vägivaldazet, ylbiet, havizijat, pahan ruavon eččijät, hyö ei kuunnella vahnembii, 31 hyö ollah ellendämättömät da heih ei sua uskuo, hyö ei suvaija eigo žiälöijä nikedä. 32 Hyö tietäh Jumalan oigei suudo: ket nenga eletäh, niilöi maksau andua surmale käzih. No yksikai hyö iče ruatah nenga da vie kiitetäh toizii, kudamat muga ruatah.
August 08, 2023 in 16:19 Нина Шибанова
- created the text
- created the text translation