Texts
Return to review | Return to list
Niken ei ole oigei
history
August 09, 2023 in 15:02 Нина Шибанова
- created the text
- created the text translation
- created the text: 9 Kuibo sit? Olemmogo myö, jevreit, muidu parembat? Ni pikoi vähästy. Vastehäi ielpäi toin teijän korvih toven, gu kaikin, kui jevreit mugai gretsieläzet, ollah riähkän vallas. 10 Onhäi Pyhis Kirjutuksis sanottu: – Ei ole oigiedu, ni yhty, 11 ni ainavuo ellendäjiä, nikedä, ken eččiy Jumalua. 12 Kaikin lähtiettih dorogaspäi bokkah, kaikin roittih pädemättömikse. Ei ole nikedä, ni yhty, ken luadiu hyviä. 13 Heijän keroi on avvonaine kalmu, kielel hyö muanitellah, heijän kielen al on mavon juadu,| 14 heijän suu on täyzi kargiedu kirovuo. 15 Kirmielöil jalloil hyö juostah valuttamah verdy, 16 hävitys da kurjus on heijän jällil. 17 Rauhuon dorogua hyö ei tietä,| 18 ei ole heijän silmis Jumalan varavuo. 19 Myö tiijämmö: midä Zakon sanou, sen se sanou niilöile, kel on Zakon, anna kaikin vaikastutah, i kai miero roih viäry Jumalan ies. 20 Eihäi ni yksi ristikanzu rodei oigiekse Jumalan ies Zakonan käskylöin novvandal.^ Zakonan kauti ristikanzu tiijustau omat riähkät.