Texts
Return to review | Return to list
Riähkän vallas piästetyt
history
August 10, 2023 in 13:07 Нина Шибанова
- created the text
- created the text translation
- created the text: 15 Midäbo sit? Rubiemmogo luadimah riähkiä, gu emmo ole Zakonan, a olemmo armon vallan al? Emmo rubie! 16 Tiijättöhäi sen, gu heittynettö kelle orjakse kuundelemah händy, sit oletto juuri sen orjannu, kedä kuundeletto. Työ libo kuundeletto riähkiä, i se vedäy teidy surmah, libo kuundeletto Jumalua i sil roittokseh oigiekse. 17 Passibo Jumalale, gu työ, kudamat enne olitto riähkän orjannu, nygöi kogo sydämel kuundeletto sidä opastustu, kudaman vietettäväkse teidy on annettu. 18 Teidy piästettih välläle riähkän vallas i työ rodiittokseh oigien käskyläzekse. 19 Pagizen jogapäiväzen elaijan kielel, sendäh gu omas ičes työ oletto vähävägizet. Enne työ annoitto oman rungan joga kohtazen paganoin da zakonattomien dieloloin orjakse. A nygöi annakkua rungan joga kohtu oigien käskyläzekse ruadamah pyhii ruadoloi. 20 Konzu olitto riähkän orjannu, työ etto voinnuh sluužie oigiele. 21 Midä hyviä työ sit saitto? Kaikkie mostu, midä nygöi huijustattokseh, sikse gu sen agjas on surmu. 22 A nygöi työ oletto välläl riähkis da rodiittokseh Jumalan käskyläzekse. Se hyvä, midä työ sit suatto, vedäy teidy pyhäh elaigah da lopus työ suatto ilmanigäzen elaijan. 23 Riähkän palku on surmu, a Jumalan lahju on ilmanigäine elaigu Hristosas Iisusas, meijän Ižändäs.