Texts

Koko muailma on viäräššä

August 21, 2023 in 12:33 Нина Шибанова

created the text
created the text translation
created the text: ⁹ Mitäpä šilloin? Olemmako myö, jevreit, muita parempie? Emmäi yhtänä. Olen jo šelittän, jotta kaikki, niin jevreit kuin muutki rahvahat, ollah riähän vallašša. ¹⁰Onhan Pyhissä Kirjutukšissa šanottuki jotta: – Ei löyvy ihmistä, ken ois Jumalan šilmissä oikie, ei yhtäkänä, ¹¹ ei ole ni ainutta, ken malttais, ei ketänä, ken eččis Jumalua. ¹² Kaikin on jätetty Jumala, kaikista on tullun kelvottomie. Ei ole ketänä, ken ruatau hyvyä, ei ni ainutta. ¹³ Heijän kero on kuin avattu kalma, heijän kieli pakajau valehta. Huulien takuana heilä on mavon myrkkyö,| ¹⁴ heijän šuušša on vain karkieta kiroušta. ¹⁵ Hyö ollah poikkoit toisie tappamah, ¹⁶ hävityštä ta kurjutta jiäy hiän jälkeh. ¹⁷ Rauhan tietä hyö ei tiijetä,| ¹⁸ Jumalua hyö ei varata. ¹⁹ Myö tiijämmä, jotta mitä Sakona pakajau, šen še pakajau niillä, kellä še on annettu. Näin kaikkien šuut pannah umpeh, ta koko muailma on viäräpiä Jumalan ieššä. ²⁰Eihän ole šemmoista ihmistä, ken šuattais täyttyä kaikki Sakonan käšyt ta niin kelpuais Jumalalla. Sakonan kautti ihmini tulou tietämäh, jotta on riähkähini.