Texts
Return to list | edit | delete | Create a new | history | Statistics | ? Help
Koko muailma on viäräššä
Koko muailma on viäräššä
Karelian Proper
New written karelian
9 Mitäpä šilloin
?
Olemmako myö , jevreit , muita parempie ?Emmäi yhtänä .Olen jo šelittän , jotta kaikki , niin jevreit kuin muutki rahvahat , ollah riähän vallašša .10Onhan Pyhissä Kirjutukšissa šanottuki jotta : – Ei löyvy ihmistä , ken ois Jumalan šilmissä oikie , ei yhtäkänä , 11 ei ole ni ainutta , ken malttais , ei ketänä , ken eččis Jumalua .
12 Kaikin on jätetty Jumala , kaikista on tullun kelvottomie .
Ei ole ketänä , ken ruatau hyvyä , ei ni ainutta .
13 Heijän kero on kuin avattu kalma , heijän kieli pakajau valehta .
Huulien takuana heilä on mavon myrkkyö ,
14 heijän šuušša on vain karkieta kiroušta .
15 Hyö ollah poikkoit toisie tappamah , 16 hävityštä ta kurjutta jiäy hiän jälkeh .
17 Rauhan tietä hyö ei tiijetä ,
18 Jumalua hyö ei varata .
19 Myö tiijämmä , jotta mitä Sakona pakajau , šen še pakajau niillä , kellä še on annettu .
Näin kaikkien šuut pannah umpeh , ta koko muailma on viäräpiä Jumalan ieššä .20Eihän ole šemmoista ihmistä , ken šuattais täyttyä kaikki Sakonan käšyt ta niin kelpuais Jumalalla .
Sakonan kautti ihmini tulou tietämäh , jotta on riähkähini .
Koko muailma on viäräššä
Karelian Proper
New written karelian