Texts

Haikol’a

September 26, 2023 in 09:30 Nataly Krizhanovsky

created the text
created the text translation
created the text: – Ken oli kylän ensimmäini eläjä ta mistä hiän tuli? – Mie šen ensi kerran kuulin Ort’olta. Hiän kerto niin, jotta oli korobeiniki. Ruočista mäntih Vienanmerellä šiitä še laukunkuljettaja. Oli Tuhkasenvuarah männyn ta luatin šinne talon, jotta šielä šiitä levähellä, konša ulkomailla on matkoilla. Šitte šano, jotta myö voima täššä vaikka elyä, kun on hyvä še talo heilä. Šitten kun vaimo läksi marjah, ukko jäi yksinäh kotih. Nin tuli šiitä ikkunasta kaččomah kontie, kontie tuli kaččomah ikkunašta. Še mieš ei mitänä virkkan. Kontie kaččo i mäni pois. Kun šillä vaimo tuli kotih, šanou mieš, jotta: ”Kuulehan, vaimo, meilä on täštä nyt lähettävä. Mečänisäntä kävi šanomašša, jotta täštä miän pitäy lähtie pois”. No minne nyt lähetäh? Kunne nyt voimma lähtie? No lähettih, šiitä kačotah, kun täššä on šuari. Šiitä hyö alettih tähä šuareh muuuttuo. – Miksi Haikol’ua šanotah Jouhkol’akši? – Vot šen takie juštih. Še oli ensimmäini matkalaini laukkukauppieš oli Jouhko. A šitä mie en tiijä, miksi pantih Haikol’akši, kun še on tottaš helpompi šanuo.