Texts
Return to review | Return to list
Šuomi-ugrilazin rahvahin päivä Tverissä
history
October 04, 2023 in 14:00 Нина Шибанова
- changed the title of the source
from Karielan sana
to Karielan sana. 1(132)
October 04, 2023 in 12:41 Нина Шибанова
- created the text
- created the text: Nellättä kerdua Tverissä pruaznuijah šuomi-ugrilazin rahvahin päiviä, kummast’a tänä vuodena varušti Tverin linnan NKA (preda S. Kalinina). Jogo vuotta tullah Tverin oblastin bibl’otekkah i karielazet, i inkerilaizet i virolaizet, kumbazet eletäh Tverin mualla. I tällä kerdua zuala oli täüži. Rahvahalla tahottau paremmin tunnuštuačie toine toizen tavoinke, kuulla omua kieldä. Tällä pruazniekalla pagina oli rahvahin vieroh näh. Tverih tuldih gost’at Šuomešta, kumbazet eletäh Viinijärvellä: Eeva-Liisa Karttunen, Meeri Mustonen da Sari Hiltunen. Hüö šaneldih, kuin eletäh pravosluavnot rahvaš hiän prihodašša, lugiettih molitvoida i laulettih stiihuloida omalla kielellä, ožutettih, müttünäzie obrazoida hüö iče resuijah. Kolmešša päiväššä gost’at kerrittih käüvvä Niilan Stolobenskoin namasterissa, Lihoslavl’an pedučiliščašša, muzeissa i monešša karielan küläššä.