Texts
Return to review
| Return to list
Pruazniekka
history
October 04, 2023 in 15:34
Нина Шибанова
- changed the title
from Pruazniek
to Pruazniekka
October 04, 2023 in 15:13
Нина Шибанова
- created the text
- created the text: Pruazniekka zavodieči molitvašta, kumbazen lugi tuatto F’odor. Hiän on Koltalovan Georgi Pobedonoscan kirikön pappi.
Kežällä hänenke tverinkarielazin NKA nuorin otdelenja oli Šuomešša Haukkaniemellä Savonlinnan lähellä. Šielä oli pruazniekka: uuven časovn’an pühitettih pruavoslavnoilla sv’atoilla Serafim Sarovskoilla.
Mielehel’di gost’at hloupaidih nuorilla artistoilla, vet hüö niin hüvin ožutettih scenat ”Kalevalašta”, kumbazen šeizatti ohjuja Marina Jevgrafova.
Koncerta oli monipuoline. Laulettih tuttavat lauluansamblit ”Karielan koivune” (v. L. Gorceva) i virolaizen perehen ansambli ”Õunake” (v. I. Berestenko). Gitaroilla šoitettih lapšet Tverin školašta No 3 (v. J. Vinogradova). Anna Kattinen laulo rep-virren.
Tämä pruazniekka eroi endizistä: oli äijä veššelie kizoida, arvatukšie. Kaikin laulettih i tancuidih üheššä šuomalaizie i virolaizie pol’kie. Lopušša Svetlana Kalinina, Tverin linnan karielazin NKA preda, kumbane aloitti tämän hüvän tavan keräüdüü üheššä tällä pruazniekalla, šai tervehükšet šünnüdäpäiväkši.