Texts

Šuomešta kohti Spiirovan mualla

October 05, 2023 in 11:16 Нина Шибанова

created the text
created the text: 24. ijul’ua Spiirovan mualla tuldih gost’at Šuomešta. Delegacijan vanhembana oli Olli Muinonen Kotkašta. Grupan vedäjänä oli tverinkarielazin NKA edustaja Zoja Turičeva. Enžistäh gost’at oldih Kozlovan bibl’otekkašša, kumbazella on annetu karielazen Bukvarin luadijan Mihail Orlovan nimi. Direktora A.G. Fedotova muissutteli M. Orlovan i Šuomen akademikan Pertti Virtarannan ruaduo. G.A. Ponomar’ova, Kozlovan školan zavučča, šano karielan kielen opaššannašta i kielipežošta. Učennikat Liza Villačeva i Saša Kiskin lugiettih karielazie runozie i laulettih viiren ”Oma randa”. G.F. Piskunova laulo karielan viržilöidä. Piämieš A.A. Zinkin šaneli eländäh näh. Karielazissa perehissä gostie vuotti illalline i ägie löülü külüššä. Toizena piänä šuomalazie gostie Spiirovalla vaštai rajonan piämieš I. Lokotoš. Lapšien muzikal’noissa školašša oli varuššettu ülen hüvän koncerta, kummast’a gost’at ruvetah viikon muistamah.