Texts

Veijo Saloheimo – tverinkarielazin alguperän tutkija

October 05, 2023 in 14:54 Нина Шибанова

created the text
created the text: Tänä vuodena 6. elokuuda täütti 90 vuotta Veijo Saloheimo- šuomalane istorikka, kumbane on tverinkarielazin alguperän tutkija i hüvin tunnettu tiedomieš Tverinkarielazin kul’turnoin avtonomijašša. Saloheimo on kirjuttanut moni kniigua, kumbazissa šellitti, missä elettih, kunne päin i kumbazie teitä müöten lähtei karielazet pagoh švedoista, konža oli voina Veniän da Švecijan välillä. V. Saloheimo tarkah tiijušteli, kumbazih paikkoih ažettuačettih elämäh Veniällä v.1500-1600. Tämä oli uuži tiedo, kummast’a tiedomieš ečči Šuomen, Veniän i Švecijan arhivoista. Jälgimäne Veijo Saloheimon uuži kniiga ”Entisen esivallan alle, uusille elosijoille” viidi vuodena 2010. Läššä kakši kümmendä vuotta V. Saloheimo ruado Joensuun universitetašša. Vuodena 1990 hiän Šuomen akademikanke Pertti Virtarannake enžimmäzen kerran oli Tverissä i karielazissa külissä. V. Saloheimo autto peruštua Tverinkarielazin kulturan ühüštä, kumbazen predana lieni Tverin universitetan docenta V. Vinogradov. Veijo Saloheimo moni kerdua oli Tverissä pidämäššä dokluadoida. Kallehena gost’ana hiän oli v. 2010, konža Tverinkarielazin kul’turnoilla avtonomijalla täüdü 20 vuotta. Toivotamma miän kallehella druugalla, tunnetulla tiedomiehellä Veijo Saloheimolla lujua tervehüttä, pitkiä eländiä i kirjuttua vielä moni uutta kniigua.