Texts

Return to list | edit | delete | history | ? Help

Iisusan ezmäižed openikad

Corpus: Biblical texts (translated)

Source: Uz’ Zavet, (2006), p. 212-213
Evangelii Joannan mödhe. 1. От Иоанна святое благовествование, Глава 1. Библия (Синодальный перевод). en=John|1

Iisusan ezmäižed openikad
(Veps)

35Toižel päiväl Joan möst seižui sil-žo tahol, i hänenke oli kaks’ hänen openikad.

36Konz hän nägišti, miše Iisus astub siriči, hän sanui: «Naku om Jumalan Vodnaz


37Konz nene kaks’ openikad kulištiba hänen sanad, läksiba Iisusan jäl’ghe.


38Iisus kärauzihe, nägišti, miše astuba hänen jäl’ghe, i küzui: «Midä tahtoit
sanuiba: «Ravvi,»( nece znamoičeb opendai) «kus sinä eläd

39«Tulgat, siloi nägištat», Iisus sanui.
mäniba i nägištiba, kus hän eläb, i jäiba hänenke sikš päiväks. Oli jo kümnenz’ čas.

40Üks’ kahtespäi, ken kuli Joannan sanad i läksi Iisusan jäl’ghe, oli Andrei, Simon Petran vel’l’.

41Hän ezmäks mäni ičeze vellen Simonannoks i sanui hänele: « olem löudnuded Messian
(nece znamoičeb Hristos). 42Andrei vei händast Iisusannoks. Iisus kacuhti hänehe i sanui: «Sinä oled Simon, Jonan poig. Minä andan sinei uden nimen Kifa», nece znamoičeb: Kal’l’, Petr.

43Toižel päiväl Iisus kerazihe lähtmaha Galilejaha. Hän vastsi Filippan i sanui hänele: «Lähtkam minunke

44Filip oli Vifsaidaspäi, siš-žo lidnaspäi, kuspäi Andrei i Petr.


45Filip vastsi Nafanailan i sanui hänele: « löuzim sen, kenen polhe kirjuti Moisei käskištos i kirjutiba Jumalan sanankandajad!
Hän om Iisus, Josifan poig Nazaretaspäi

46Nafanail küzui: «Voib-ik Nazaretaspäi tulda midä-ni hüväd
«Tule i nägištad», sanui Filip.

47Konz Iisus nägišti, miše Nafanail astub hänennoks, hän sanui: «Naku om todesine izrail’aine! Hän ei ole vällišpä

48«Kuspäi sinä mindai tunded
küzui Nafanail. Iisus sanui hänele: «Edel sidä völ, konz Filip kucui sindai, minä nägin sindai smokvanpun al

49Nafanail sanui: «Ravvi, sinä oled Jumalan Poig, sinä oled Izrail’an kunigaz


50Iisus sanui hänele: «Sinä uskod sikš, miše minä sanuin sinei: „Minä nägin sindai smokvanpun al“.
Nägištad völ surembid-ki azjoid

51I hän virki: «Todest tozi sanun teile: neciš aigaspäi nägištat, miše taivaz om avoin, i nägištat, kut Jumalan angelad käveleškandeba ülähän i alahan sigä, kus Mehen Poig om