Texts

Kui hierulois piettih svuad'boi

October 23, 2023 in 15:31 Александра Родионова

created the text
created the text translation
created the text: Svuad'bat oldih kaksipuoližet. Huodekses tuldih ženihy da rodn'u kai taloih, andilahalluo tuldih. Sit puoli päiviä gostittih sie andilahalluo. Sie oli murgin keitetty. Kaikkie oli valmištettu, kaikenluavullištu piiraidu pastettu. Silložel aijal pastettih äijy piiraidu, gostitettih hyvin. Sit puoleh päivässäh se svud'bu guläičči hierus, sie tyttyö ottamas oldih gu, a sit ruvettih jälles murginua lähtemäh jo ženihän kodih. Liennou svud'bu ollut daže omas hierus, yksisama piettih svuad'bua kahtes talois. Huondespuolen murginassah yhtes talois, a sit hierus, ga sit astuttih kai gost'at i andilas i ženihy astuttih ihan iespäi. Jälles astuttih gost'at, mendih, toižen puolen päiviä gostittih toižes talois. Se oli meijän pienes hierus muga. En tiije, oligo muga kaikkiel, a meijän hierus oli ihan muga. Svuad'bu ylen oli toiči yössäh, toižes puoles jo, ženihän, andilastu otettih ennepäi. Toššupäivän ženihän puoles vie oli murgin. Tošpäivän gostitettih kaikkii gostii, kudamat oldih tämän andilahan puolespäi. Jälles murginua andilas i ženihy provodittih gostii, kudamat tuldih andilahan puolespäi. Andilas ylen äijäl itki. Ei joga andilas, no äijät andilahat itkiettih, potomu što häi jäi sinne jo elämäh toižeh kodih. Omat rodn'at kai lähtiettih, a häi jäi elämäh omah kodih. Vot moižet oldih meil običait da tradiciet hierus, pienes hierus meijän.