Texts
Return to review | Return to list
Kävyimmö meččäh kuustu ottamah
history
November 12, 2023 in 22:06 Nataly Krizhanovsky
- changed the text
Puudu mečäs oli äijy. Emmogo tädä ota?^ - kyzyi minuu sizär. Ga sinä kačo mittuine tämä on madal. Meile pidäy korgei, lajessah, - sanoimmo myö toizen sizären kel. Ei saa tädä ottaa. Pidäy eččie korgei, korgei. Ikkunaspäi štob nägys Pakkazel. No hyvä, ečiimmö da ečiimmö, valličiimmo da välličiimmo. Lövviimmö myö suuren puun, tuhjan, korgien da käbyzien kel. Paniimmo myö higie da vägie sen kaadajes. Kirvehel vestiimmö, pilal pilaimmo, ai gu sangei se oli. Puu oli sangei, da myö emmo olluh sangiet niškat da laškat. Raadajat lapset oliimmo. Hil'l'akkazeh sen pilaimmo da pilaimmo, hičutiimmo da hičutiimmo, da i puu kaadui. A talvel mečäs pimenöy terväh. Kačommo, ga joga tuhozespäi meijäh päi hukku kaččou. Varajal on suuret silmät. Ei pie varata,- sanoi meile Val'a-sizär. Meilehäi on kirves. Astummo kodih. Dorogu kodih oli ylen jygei. Tuli vie mieli jättiä puu meččäh da juosta kodih. Da myö hyvin mustiimmo maman sanat. Mama meile ainos sanoi, gu ei saa zavodittuu raaduo kesken jättiä. Ken jättää keskel raavon da ei lopeta sidä, miehel ei oteta. Magiedu syvvä da miehel mennä myö ylen äijäl tahtoimmo. Segi avvutti. A konzu miehel tahtot, dai mukitat. Puutuimmo myö kodih dai kuuzahazen toimmo.
October 23, 2023 in 15:43 Александра Родионова
- created the text
- created the text translation
- created the text: Puudu mečäs oli äijy. Emmogo tädä ota? - kyzyi minuu sizär. Ga sinä kačo mittuine tämä on madal. Meile pidäy korgei, lajessah, - sanoimmo myö toizen sizären kel. Ei saa tädä ottaa. Pidäy eččie korgei, korgei. Ikkunaspäi štob nägys Pakkazel. No hyvä, ečiimmö da ečiimmö, valličiimmo da välličiimmo. Lövviimmö myö suuren puun, tuhjan, korgien da käbyzien kel. Paniimmo myö higie da vägie sen kaadajes. Kirvehel vestiimmö, pilal pilaimmo, ai gu sangei se oli. Puu oli sangei, da myö emmo olluh sangiet niškat da laškat. Raadajat lapset oliimmo. Hil'l'akkazeh sen pilaimmo da pilaimmo, hičutiimmo da hičutiimmo, da i puu kaadui. A talvel mečäs pimenöy terväh. Kačommo, ga joga tuhozespäi meijäh päi hukku kaččou. Varajal on suuret silmät. Ei pie varata,- sanoi meile Val'a-sizär. Meilehäi on kirves. Astummo kodih. Dorogu kodih oli ylen jygei. Tuli vie mieli jättiä puu meččäh da juosta kodih. Da myö hyvin mustiimmo maman sanat. Mama meile ainos sanoi, gu ei saa zavodittuu raaduo kesken jättiä. Ken jättää keskel raavon da ei lopeta sidä, miehel ei oteta. Magiedu syvvä da miehel mennä myö ylen äijäl tahtoimmo. Segi avvutti. A konzu miehel tahtot, dai mukitat. Puutuimmo myö kodih dai kuuzahazen toimmo.