Texts
Return to review
| Return to list
Meijän mättähän naizet
history
October 25, 2023 in 16:05
Нина Шибанова
- created the text
- created the text: Meijän mättähän naizet
An’n’oi, Šuura da Ol’ga,
Heijän vägevät käit
Ilmai ruaduo ei oldu.
Eulluh istumah aigua,
Eulluh paginua tyhjiä,
Hyö ei mustettu pahua,
Vastah luajittih hyviä...
Meijän mättähän muamat
Nad’oi, Gal’a da Niina,
Heijän silmih ku kačoit,
Sie ei nägynyh pilvie...
Meijän mättähän naizet
Nagrua suvaittih ylen,
Vaiku nagrettih harvoin,
Konzu kai oli hyvin.
Meijän mättähän t’outat
Tan’a, Klaudi da Val’oi,
Heijän ruadolois čomis
Himo elokseh nägyi.
Meijän mättähän naizet
Kovis miehien kengis
Iče nostettih suatot,
Yksin kyndämäh mendih.
Vaiku harvazeh illal,
Konzu zor’aine paloi,
Järveh puhtahah, hil’l’ah,
Mendih venehel kalah...
Pajo ulahtih pitkäh,
Konzu verkoloi pandih,
Tuuli koppai sen itkun,
Ku ei kuultas vai rannal.