Texts
Return to list | edit | delete | Create a new | history | Statistics | ? Help
L’ubov’ Baltazar. Meijän mättähän naizet
L’ubov’ Baltazar
Meijän mättähän naizet
Livvi
New written Livvic
Meijän
mättähän naizet
An’n’oi , Šuura da Ol’ga ,
Heijän vägevät käit
Ilmai ruaduo ei oldu .
Eulluh istumah aigua ,
Eulluh paginua tyhjiä ,
Hyö ei mustettu pahua ,
Vastah luajittih hyviä ...
Meijän mättähän muamat
Nad’oi , Gal’a da Niina ,
Heijän silmih ku kačoit ,
Sie ei nägynyh pilvie ...
Meijän mättähän naizet
Nagrua suvaittih ylen ,
Vaiku nagrettih harvoin ,
Konzu kai oli hyvin .
Meijän mättähän t’outat
Tan’a , Klaudi da Val’oi ,
Heijän ruadolois čomis
Himo elokseh nägyi .
Meijän mättähän naizet
Kovis miehien kengis
Iče nostettih suatot ,
Yksin kyndämäh mendih .
Vaiku harvazeh illal ,
Konzu zor’aine paloi ,
Järveh puhtahah , hil’l’ah ,
Mendih venehel kalah ...
Pajo ulahtih pitkäh ,
Konzu verkoloi pandih ,
Tuuli koppai sen itkun ,
Ku ei kuultas vai rannal .
Meijän mättähän naizet
Livvi
New written Livvic