Texts
Return to list
| edit | delete | Create a new
| history
| Statistics
| ? Help
L’ubov’ Baltazar.
Kolme randua
genre: Lyric work
Source:
Oma mua. № 41, 2023, p. 11
L’ubov’ Baltazar
Kolme randua
Livvi
New written Livvic
Omah ruadoh, omah veroh
Kalastajat mennäh mereh
Evästetyt ozan randah,
Armottoman meren valdah.
Kolme randua kalastajal,
Joga randu eri laijal...
Eri laijal, omal aijal...
Ezmäine on kodirandu
Lagei, levei, kivitöi.
Sinne oma veneh pandu,
Nuottu kuivau solmitoi.
Meri oman vuitin vedäy,
Jogahizen ozan tiedäy.
Sudre vuottau suuri pereh –
Toizeh randah meni veneh...
Kolmas randu – taivasrandu
Puhtas, valgei, loputoi,
Ukonkuarel – paras randu,
Musto olgah pilvetöi.
Kolme randua kalastajal
Joga randu eri laijal
Eri laijal, omal aijal...