Texts
Return to list | edit | delete | Create a new | history | Statistics | ? Help
L’ubov’ Baltazar. Tulos on talvi
L’ubov’ Baltazar
Tulos on talvi
Livvi
New written Livvic
Pakuttih
lehtet dai pakkaine tuli ,
Linduzet peityttih , ojaine kylmi .
Vai suuri jogi edehpäi virduau ,
Pakkastu jogi hätkembän tirpau .
Muite vai musteni , hilleni vezi ,
Vihmu kai randazet sygyzyl pezi .
Ku oldas valmehet kukkimah keviäl ,
Ku randazel nouzis heinästy pehmiä .
Vuotetah kaikin – tulos on talvi ,
Lundu vai panis enämbän kaikkiel .
Lämmittäy lumi , hos iče on vilu ,
Lumen ual peitytäh heinät dai hiiret .
Kai tiedäy luondo , kui parembi roih ,
Eletäh kaikin , hos toiziengi vuoh .
Kui pyzytäh elos – älä ni kyzy .
Enimil elävil elaigu lyhyt .
Muututah , vaihtutah , jätetäh juurdu ,
Edehpäi jatketah elostu suurdu .
Tulos on talvi
Livvi
New written Livvic