Texts
Return to list | edit | delete | Create a new | history | Statistics | ? Help
Minä lähten tägäpäi
Minä lähten tägäpäi
Veps
21Iisus
sanui möst rahvahale : «Minä lähten tägäpäi . Tö eciškandet mindai , no kolet ičetoi grähkihe .Kuna minä lähten , sinna tö et voigoi putta .»
22Evrejalaižiden pämehed čududelihe : «Tahtoib-ik hän rikta ičtaze , ku sanub : „Kuna minä lähten , sinna tö et voigoi putta“ ?»
23Iisus sanui heile : «Teiden kodi om alahan , minun om ülähän . Tö olet neciš miruspäi , a minä en ole neciš miruspäi .
24Sikš sanuin teile , miše tö kolet ičetoi grähkihe . I ku tö et uskkoi , miše nece olen minä , ka tö kolet ičetoi grähkihe .»
25Siloi hö küzuiba : «Ken sinä oled ?» Iisus sanui heile : «Minä sanuin ezmässai teile , ken minä olen .26Minä äjan voižin sanuda teiden polhe i äjiš azjoiš voižin teid sudida . No minun Oigendai pagižeb tot , i midä olen kulnu hänespäi , sidä minä sanun mirule .»
27Hö ei el’gendanugoi , miše Iisus pagiži Tatan polhe .
28I Iisus sanui heile : «Konz tö libutat Mehen Poigan , tö el’gendaškandet , miše nece olen minä i minä en tege nimidä ičein päspäi , a pagižen muga , kut Tat om opendanu mindai . 29Minun Oigendai om minunke . Tat ei jätand mindai üksnäin , ved’ minä kaiken tegen muga , kut om hänele mel’he .»
30Konz Iisus pagiži muga , äjad uskoškanziba hänehe .
Minä lähten tägäpäi
Veps
Иоанн 8:21-30
Russian
23
25
26
27
28
30