Texts

Porinpaikka / Pori

December 25, 2023 in 22:45 Nataly Krizhanovsky

created the text
created the text translation
created the text: Miula šanottih vanhat eläjät, että konša muajilmašša oli ollun kahenkymmenenviijen vuuvven aikani šotasluušinta, niin niitä karkurija oli. Muka yksi tuli šinne, šillä on ollun Pori-nimi. Ja šiihi hiän oli luatin kämpän ta šiinä on elän. Še on nimen jättän šiih paikkah, jotta še on Pori. Sitä šanottih, jotta šiitä še on šuanun nimen, še paikka. Kun mie tulin jo kävelijäkši šemmosekši, että pyššyö rupesin kantamah, ni myö kävimä šiinä paikalla. Šielä on oikein kaunis meččä, niin šakie mecčä, ta šielä on hyvin paljon pyitä. Myö kävimä šiinä pyitä ampumah. Ja šiitä jo miän aikana kyläštä mäni kakši perehtä sinne, luajittih kakši taluo ta elettih siinä. Nyt šiinä ei ole ketänä, še on pal’l’ahana.