Texts

Netälilašku

February 09, 2024 in 10:56 Нина Шибанова

created the text
created the text translation
created the text: Neljä nedälie kaksi yötä Plahvessenjasta Jyrinpäiväh| Jyristä Miikkulah kaksi nedälie kaksi yötä,| Miikkulasta Troiččah kolme nedälie kaksi yötä,| Troičasta viisi nedälie lehti-Iivananpäiväh,| siitä Petrunpäiväh neljä päivää,| Petrunpäivästä Kirikänpäiväh kaksi nedälie,| Kirikänpäivästä Il’l’anpäiväh puolitoista nedälie,| Il’l’anpäivästä Makoveih puolitoista nedälie,| Makoveista Pohoroččah kaksi nedälie,| Spoassunpäivä pyhän kahtia jakaa,| kaksi nedälie sitä pyhää on,| yksi nedäli Makoveih takaisin,| Pohoroččah yksi nedäli etehpäin,| Pohoročast syys-Iivanah kaksi nedälie,| Syys-Iivanasta Jälkipohroččah puolitoista nedälie,| Jälkipohročasta Sviissenjah viisi yötä,| sitten Ensipohročasta Pokrovah seiččemän nedälie,| Pokrovasta muissinsuovattah neljä nedälie,| muissinsuovatasta Rostuon pyhänlaskuh kolme nedälie,| siitä kolme nedälie Miikkulanpäiväh,| ja se Rostuon pyhän kaheksi jakaa,| Miikkulasta kolme nedälie Rostuoh,| Rostuosta viisi päivää Uuteh vuoteh,| kaksi nedälie Vieristäh,| Vieristästä neljä nedälie Kynttelih,| Kynttelistä lihapyhälaskuh yksi nedäli,| siitä maitopyhälaskuh toini nedäli,| siitä Sporupyhänpäiväh kolmas nedäli,| siitä Ristileipien nedälih kolme nedälie,| Rostuosta kymmenennellä nedälillä on Plahvessenja,| Virposuovattanedäli on, kun nedäli jää Äijänpäiväh.