Texts

Sithäi Synnynmoanaigah ylen äijäl kävväh smuutil

February 13, 2024 in 10:09 Нина Шибанова

created the text
created the text translation
created the text: Sithäi Synnynmoanaigah ylen äijäl kävväh smuutil. — Nu, kerro si. — Da, smuutil kävväh velli. Ennevahnas velli ylen äijäl käydih smuutil. Joukot kerävytäh, šuoritah sobih, akat šuoritah, akat šuoritah toiči mužikkoin sobih libo pannah turkit muuri. Silmät peitetäh. Sit kerävytäh toiči joukot. Sit mennäh taloih, sit talois sie pläšitäh, pajatetah. Kudamas talois hyvin pietäh, sit ei nimidä sporita. A kudamas talois vie čakatanneh da laskieta ei, sit toiči vie tullah vie tuvvah tuhkoa. Da sit iče pläšnee työtäh, iče vai tuhkoa ripoitetah lattiel. Se muudo daaže nečie Ven’al on, Sviril. Suomen aigah ven’alaizet gu tuldih, sit raukku hyö ylen äijäl, sit rauku laitah hebot. Hebot laittah, moizet hebot ramkois, sinne rahvasjoukko, heboloin kel. Sit mennäh taloih, sit pläšitäh, pläšitäh, toizeh mennäh, erästy, ottau vie komšaizen sie kereäy syömisty. Santah što, andakkoa, sit komšat vie pevostu da syömisty kerätäh. Annetah smuutil. Smuutil vroode on andoa hyvä. A kudamal taloih laskieta ei smuutii, sit midätahto poakoštitah, libo pino koatah, libo vereät salvatah, libo truba salvatah. No.