Texts

Sv’atka-aigah gadaijah, gadaijah

February 14, 2024 in 11:36 Нина Шибанова

created the text
created the text translation
created the text: Sv’atka-aigah gadaijah, gadaijah. Männäh kylyh, kylyn pyyhitäh, a rikkazet ne otetah tuuvah potokan alla pannah. Jalloilla šeizauvutah ših dai kuunellah, missä päit’en paissah. Missä päit’ lienen miehellä, šielä päit ruvetah pagizemah i laulamah. Missä päit’ mie miehellä olen, šielä päin briha laulo, rikkazilla šeizoin nin, i svistaičči. Mie niin i šanoin što missä päin mie lienen, šielä päin i laulakkah. Briha kuundelemašša oli, sluužibah hänellä pidi männä, nin ambu. Otettaneh miun sluužimah, nin ambukkah, nin vähäzeldi edizeh ambu. A šidä šanou: ”Midä žaleičet porohua, taigua enämmäldi!” Nin ves’ma äijäldi ambu. Šidä oli zirkaloh kaččomašša šinä že ildana. Zirkaloh mändih kaččomah, nin ištuu ves’ma jo hyvissä kartussiloissa piisari stolan tagana, hänellä že i nägyy. Tuli kodih dai šanou: nu tua kartussi kuin liennöy sluužibašša, nin lieu ves’ma šoma kartussi. I piisarina i oli sluužibassa. Hänellä ves’ma hyviin kuulu nagole. Kuulu i nägy.