Texts
Return to list | edit | delete | Create a new | history | Statistics | ? Help
Ol’ga Žukova. Sarn piragvärtinas
Ol’ga Žukova
Sarn piragvärtinas
Veps
New written Veps
Ühtes
keitimpoles eliba erazvuiččed astjad .Kut i kaikiš toižiš pertiš .I erašti , konz emägad ei olend kodiš , nene astjad pagižiba ičeze keskes .
Necil päiväl luzik heraštui hubiš meliš , hän kacuhti ümbri i homaiči sömlaudal piragvärtimen , kudambad aigemba ei nägend .
– Kackat , mitte kaluine !
Muite kaluine , nimidä siš ei ole .Naku minai om pä , mitte voib amunta keitost i sötta mehid .
– Muga , – ühtni paginaha hangoine , – minei oma šorpaižed , kudambad abutada otta sömäd i leta sidä suhu .
Da i muite-ki ned oma lujas čomad .
– A veičel om varz’ i tera , – ližazi luzik .
– Ka , minä olen ani tarbhaine keitimpoles .
Minuta emäg ei voi nimidä čapta , leikata .
– Ka , a petklol om sanged pä .
Se peksab midä tariž – marjoid , keittud kartohkoid , – sanui vastha luzik .
– Völ olen minä – šuhaiži härkim , – mindai ottas kädehe , konz sadas kodivoid vai segoitadas tahtast .
– Ka , ka , muite kaluine !
Min täht sen toiba tänna ?Se nimidä ei mahta , – kului astjoden pagin .
A piragvärtin venui vaiknašti sömlaudal .Sid’ tuli emäg .Hän segoiti sagedad tahtast .A jäl’ges oti kädehe piragvärtinan .Ak tahtoi paštta pirgoid i zavodi ajada skancad .Kut hotkas kargaiži piragvärtin hänen käziš .Kaik astjad čududelihe i tarkašti kacuiba .
– Minä en voiži muga hotkas punoutas , – šuhahti luzik .
– Hän ei ole tarbhatoi .
Necidä radod niken meišpäi ei tegiži , – kului veičen än’ .
– Elägaha meiden keitimpoles !
Emäg ajoi kaik skancad , pezi piragvärtinan i pani sen škapha .
Muga om-ki elos : ala kacu vaiše irdnägole , kacuhta süvemba !
Sarn piragvärtinas
Veps
New written Veps