Texts

Starina pienes čikos

February 27, 2024 in 16:24 Александра Родионова

created the text
created the text translation
created the text: Keviällä vahnembad otettii liäväh počinpoigaizen, ostettii perttih televizoran da saittii meillä pienen sizären. Televizora ozutti ylen pahoin. Buabo vai saneli: kai den’gat muah pandii! Čakkai tuattoa. A poččine d’uokseli, d’uokseli pertid myöte da töllendi, häivyi. Däi vai ykši pieni lapši, neičukäine. Midäbo meillä hänes toiči? Da ei nimidä! Oli vai kaunis kal’aska. Semmoine oli rozovoi da lošnituz. Meiden kyläs mosta kal’askua vie ei olnu. T’ota Maša, muaman sizar, toi sen kal’askan Hirvaz, Hirvahaspäi. Ennen kylän akat kandeltii lapšiloi kädes, a talvella viettii regus. Meile da meiden tovarišoile tämä pieni čikko vähän mieles oli. Hän oli kui mučakko, vai n’auguu vau kui pieni kažiine. Da vie pidi hänen liikuttua kätkes, da vie montu čuassuu da pidi vuottua, konza hän rubieu magomaa vain n’ukkumaa. Ištut šikši, liikutat, liikutat kätken. A toizet lapset pihalla kižataa mäččikižah, vai šyydä pihalla ei ole. A konza kezoida kyl’bämää mända, sid i vovse on tusku…