Texts

Return to list | edit | delete | history | ? Help

Vinpun oksad

Corpus: Biblical texts (translated)

Source: Uz’ Zavet, (2006), p. 249-250
Evangelii Joannan mödhe. 15.
Uz’ Zavet (2006). S. 249–250.

Vinpun oksad
(Vepsian)

15 «Minä olen todesine vinpu, i minun Tat om vinpuiden ižand. 2Hän čapab minuspäi kaikuččen oksan, mitte ei to ploduid, no kaikuččen oksan, mitte tob ploduid, hän puhtastab liigahižiš barboišpäi, miše se toiži ploduid enamban ku ende. 3 olet jo puhthad, sikš ku ned sanad, miččed olen teile sanunu, oma puhtastanuded teid. 4Püžugat minus, muga i minä püžun teiš. Ved’ ei oks voi toda ploduid ičesazepäi, ku ei püžu pus, mugažo tö-ki, ku et püžugoi minus.

5Minä olen vinpu, olet oksad. Ken püžub minus i kenes minä püžun, tob äi ploduid. Minuta et voigoi tehta nimidä. 6Ken ei püžu minus, om kuti kattenu oks, kudamb kuivab. Kuivad oksad keratas, tactas lämoihe i polttas.

7Ku püžut minus i minun sanad püžuba teiš, pakikat, midä tahtoit, i sat sen. 8Sil linneb korgenzoittud minun Tat arvos, ku tot äi ploduid i ozutat, miše olet minun openikad. 9Kut Tat om armastanu mindai, muga minä olen armastanu teid. Püžugat minun armastuses. 10Ku elät minun käsköiden mödhe, ka püžut minun armastuses, muga kut minä-ki olen elänu minun Tatan käsköiden mödhe i püžun hänen armastuses.

11Minä sanuin teile necen, miše teiš oliži minun ihastuz, i teiden ihastuz oliži täuz’. 12Minun käsk om mugoine: armastagat toine tošt, muga kut minä olen armastanu teid.

13Niken ei voi ozutada surembad armastust, kut antta hengen ičeze läheližiden täht. 14 olet minun läheližed, ku teget sidä, midä minä käsken teile tehta. 15En sanu teid enambad käskabunikoikš, sikš ku käskabunik ei teda ičeze ižandan azjoid. No minä sanun teid läheližikš, ved’ minä olen sanunu teile kaiken, min olen Tataspäi kulnu. 16Et valičenugoi mindai, a minä valičin teid, i minun taht om se, miše läksižit i toižit ploduid, i teiden plodud ei kadoiži. Ku teget muga, ka Tat andab teile kaiken, midä pakičet hänel minun nimes. 17Necen käskön minä teile andan: armastagat toine tošt