Texts

Return to list | edit | delete | history | ? Help

Iisus om vägestanu mirun

Corpus: Biblical texts (translated)

Source: Uz’ Zavet, (2006), p. 252
Evangelii Joannan mödhe. 16.

Iisus om vägestanu mirun
(Vepsian)

«Todest tozi sanun teile: midä igän pakičeškandet minun nimes Tatal, sen hän andab teile. 24Neche päivhäsai et pakičenugoi nimidä minun nimes. Pakikat, i sat, i teiden ihastuz linneb täuz’.

25Olen pagižnu necen polhe teile ozoitezstarinoil, no tuleb aig, konz enamb en pagižeškande ozoitezstarinoil, a sanun teile kaiken Tatan polhe kohtha. 26Sil päiväl pakičeškandet Tatad minun nimes, i en sanu teile, miše minä pakičeškanden Tatad teiden poles. 27Ved’ Tat iče armastab teid, sikš ku olet armastanuded mindai i usknuded, miše olen tulnu Jumalannopäi. 28Tatannopäi minä olen lähtnu i tulnu neche mirhu, i nügüd’ minä jätan mirun i lähten tagaze Tatannoks

29Openikad sanuiba: «Nügüd’ sinä pagižed kohtha, enambad ed sanu ozoitezstarinoid. 30 el’gendam nügüd’, miše sinä tedad kaiken, midä küzuškatas, i sinei ei tarbiž varastada küzundoid. Sikš uskom, miše sinä oled tulnu Jumalannopäi

31«Ka, nügüd’ uskot», sanui Iisus. 32«No tuleb aigi se om jo tulnukonz kaik pagenet, ken kuna, i jätat mindai üksnäin. No minä en ole üksnäin, Tat om minunke. 33Olen sanunu teile necen, miše minus teil oliži tüništuz. Mirus linnet ahthal aigal, no olgat rohktad: minä olen vägestanu mirun