Texts

Illal kevät-Jyrgie va

April 08, 2024 in 15:02 Нина Шибанова

created the text
created the text translation
created the text: Illal kevät-Jyrgie vas: kellot aitas tuuvah, koajitah gloadansavul; silmät rištitäh da kävelläh ymbäri tanhuos da kois kelloloin ker, kellot on kaglas, toizet käes. Huondeksel toine kerda silmät rištitäh päivän nostuo; tuas malitun ker ruvetah kävelemäh, kolme kerdoa kävelläh. Murginan syödyö pannah kellot lehmil kaglah, a taiginvettä vanhiman lehmän kellon sydämeh, se kello pannah korvien toaks piäh malitun ker. — Ennem murginoa vanhin emändä joga lehmäl nyhteä villoa sarviloin välis, sägän piäl da ristaluulois selläs landehil, tuloo kodih, stolal ne villat kai piekselöö taigintahtahan ker. Päčin pyhkii peräh päi da edeh päi, sit paistoa rieskazen; sanoo: ”Päčči lämmäšti lämbiöö; muga lehmäzelleni olgah vaččani lämmä joga ildoa kodih tulemah”. Rieskazen ottoa, panoo päčin selläl lagie vas. — Ku ruvetaž žiivattoi työndämäh meččäh, murotetah puoli rieskasta lehmil vedeh, se juotetah kaikil lehmil, toine puoli syötetäh Pokrovanna libo jälles, ku ei enämbi meččäh työtä. — Muga kai roatah.