Texts

Lehmät kun kevöällä meččäh työnnetäh

April 09, 2024 in 12:32 Нина Шибанова

created the text
created the text translation
created the text: Lehmät kun kevöällä meččäh työnnetäh, siitä kierretäh se karja ta luvetah. — No mintähen kierrettih? - Ka jotta paremmin karja pisyis kovolla kesällä. Tottahan sen takie. Eikä mitänä pahoa tulis karjah. Siitä luvetah, emäntä lukou: Mečän tytti, mielineiti, aja karjani kotih! Pane paju paimenekse, tuomi tuojakse kotih! Jos ei paju paimentane, tuomi ei kotihin tuone illan tullen, yön pimeten hämäränki hässiessä, siitä se kuččuu iččieh sitä mečän tyttyö jotta: tuo karjani kotih illan tullen, yön pimeten, jottei karvana katois, puolikan ei pois mänis. Kontiella sanotah: Pissä turpasi tuhoh, Paina peäs mättähäh!