Texts
Return to review | Return to list
Iivananpäivän aiga ku tulou
history
April 10, 2024 in 16:12 Нина Шибанова
- created the text
- created the text translation
- created the text: Iivananpäivän aiga ku tulou, mängeä, šanou, t’yt’öt, Pustavašša on brihoa, šanou, neičyt’t’ä ei oo. Mängeä sen talon peldoloissa, ruišta plet’ikkeä, kaššoa, šanou, rugehee pangoa, šanou sid’ägo, sivokkoa l’entat, kel’l’ä ku kašša se hoaronnou, no ni se sin’ä vuodena miehel’l’ä mänet’t’ä. Otakkoa mängeä butilkat, šanou, dani mängeä t’iešoaralla Hebovoaralla, dani pangoa t’iešoaraa muurazmät’t’ähää butilkan da sidokkoa omat l’entat kaikki siih gorliškaa, meil’ä n’euvvou. Myö l’äksimä, butilkat ottima, mänimä t’iešoaralla, vaššat kartoamma, a Pedrun šuovattana, šanou, tuotta siel’dä da kyl’yy käyt’t’ä niil’l’ä vassoilla, ruvetaa, šanou, brihat kižauttamaa. Myö mänimä dai butilkat n’e panima sinne ruoppahaa dai kod’ii tulima. Huomuksella lähemmä Šalmii hein’ä’l’l’ä, kymmenen virstoa sin pid’äy män’n’ä suoloista poikki sin hein’äl’l’ä, Pašša dai mie lähemmä sin Šalmee hein’äl’l’ä.^ Mie ku Šalmee hein’äl’l’ä mänin, a ku čakkoa, ni ei šoa hengit’t’eä. Mie šanon tatalla: ”Mie t’ässä en rubie čakkoja syöt’t’ämää, l’äkkä vai kod’ii pois”. Tata šanou: ”An’uttaženi, kuin kai peat’inčää šoa olemma, dai lähemmä Pedrulla Jouhoaraa, šanou,| tata hebožen val’l’aštau, lähemmä hebožella Pedrulla Jouhoaraa. Mie ku tulin kod’ii da huomuksella šuovattana pid’äy lämmit’t’eä kyl’y dai läht’ie pid’äy, mie mänin dai omani butilkan sen otin siel’dä,| ni miun butilkassa t’ämän verda oli vajoa, muurahaista, a Paššan oli butilkka täyzikkäne, Paššan butilkka, a ku l’entat ni, muurahažet kustu kai oli yn’n’ää svet pot’er’alis. A An’nin sen Poton An’n’in oli ni vasta vielä puoli butilkkoa oli, a Pašša se, možet, oli prauda, Pašša mäni sin’ä vuodena miehel’l’ä, a mie mänin toissa vuodena. Kyl’yy käymmä, dai An’n’i baba, muiššan, kyl’vet’t’äy lauvvoilla,| ni ku mänimä Pedrun Jouhoaraa, ni ku siih šoaten kižautettii, ni kaheksin brihoin yht’ee kandrelii kižautettii.