Texts

Meil Hal’d’ärven kylä

April 14, 2024 in 15:46 Нина Шибанова

created the text
created the text translation
created the text: Meil Hal’d’ärven kyläs ende pidettii ylen äi žiivattad, tähä valdai suai. Kel kui žiivatt ei seižuškannu tahnas, hävidaškaž iäre, šiid riščittii pyhä D’yrgile šilmäd, časoun oli meil, sulittii keittada kezal, ku oli bošši, pyhälaskun ykš bošši. Šiit se kai päiv ku tuli, iškedau bošakko, i suures kattilas keitetau kai. Šiit sus’odad mändau, pandau d’engad, otetau šiga rokkad i lihad. I se pošči oli d’oga vuož bošakon keitantpyhäpäi! Sen pyhänpäivän kogoduttii kai eläjät šihe ymbäri časounas, sluužittii da patom kai päi šiid käveltii da pagištii ko jo midä. Milpiäi kakškymne virstad oli Nimärven kyläi. Heil tože heinarges oli bošakon keitantpyhäpäi. Hyö šikš pyhäpäiväkš ostettii harčud kui pruaznikakš. Kävyi rahvas toižis kylispäi, aino kučuttih nimärvilaižet tuttavid da omid roduid, gostii bošakon pyhäpäiväle.