Texts

Priusan kolkkajaiset oli toini pruasniekka

April 16, 2024 in 14:34 Нина Шибанова

created the text
created the text translation
created the text: Priusan kolkkajaiset oli toini pruasniekka. Se pijettih siinä talossa, missä oli ensimmäiseksi puitu kaikki vil’l’at. Pruasniekka alko siitä, jotta mäntih puapon luoksi riihen pihalla, missä vil’l’ua tuuletettih. Puapo kysy: ”Mitä kuuluu?” Piti vassata: ”Läksin Riihijäistä kysymäh.” Puapo siitä kysy: ”Onko siula peretnikkä? Levitä.” Peretnikkä levitettih ta puapo pani siih kolme kamahluo jyvie. ”Passipo, puapo”, sanottih. Siitä huolimatta, jotta sykysyllä oli kaikilla vil’l’ua kyllin, tapoja kuitenkin nouvatettih. Päivän aikana puapon talossa sriäpittih: möykyistä taikinaisesta ta kohahusta, a kohahuksen kuoret oli suorovaiset. Siitä illalla kučuttih rahvasta kahesta toisesta talosta pruasniekkah ta sanottih: ”Tulkua meilä priusan kolkkajaisih.” Juotih čäijyö hauvotun maijon kera ta syötih sriäpnyä.