Texts

Smirnovat

April 19, 2024 in 20:43 Ирина Новак

created the text
created the text: Mie olen Oks’o Smirnova. Miula on 35 vuotta. Mie elän Kozlovalla. Lapšena mie tahoin tulla keittäjäkši, ka jo 10 vuotta mie ruan matematikan opaštajana Kozlovan keški¦školašša. Mie ylen äijäldi šuačen omua ruaduo. Mie olen miehellä. Miun mužikkua kučutah Jyrgi. Hiän on kahta vuotta vanhembi milma. Jo 15 vuotta hiän ruadau mečäššä, hiän on mečän¦ruadaja. Ka lapšena hiän tahto tulla policeiskoiksi. Meilä on kakši lašta. Ol’o¦-¦tyttärellä on šeiččimen vuotta. Hiän opaštuu školašša da tahtou tulla kiändäjäkši. Poigua kučutah Ars’o. Hänellä on kakši vuotta. Hiän kävelöy lapšin¦päivä¦kodih. Meinke yheššä eletäh Jyrrin vanhemmat, hyö molen ollah pensiillä da ylen äijäldi autetah meilä lapšinke. Muatkuo kučutah Nadʼo. Hiän on vrača. Muatko auttau miula koissa, hiän nieglou villa¦noskazie meilä kaikilla da paistau ylen magieda hoikas’t’a piiruada. Buat’kon nimi on Sergo. Hiän on mahtaja plotnikka. Jyrgi tuatonke iče srojittih miän perehellä varoin uuven šuuren puuhizen koin. Heilä autto miun Kirʼu¦-¦kydy. Hänellä on 30 vuotta. Kir’u opaštu programmistakši. Nyt hiän ruadau Jyrrinke mečäššä, ka konža on joudavua aigua, hiän ruadau omua ammattie myöt’.