Texts
Return to list | edit | delete | Create a new | history | Statistics | ? Help
Kozlova
Kozlova
Karelian Proper
New written Tver
Smirnovin pereh
eläy Kozlovalla .Kozlova on vanha karielane kirikkökylä Spiirovan rannašša .Enžimen kyliä mainitah kniigoissa vuodena 1545.Kylän nimi tulou veniäläzeštä "kozlat "-šanašta .Vuuvešta 1937 vuodeh 1956 šuat kirikkökylä oli Kozlovan rajonan keššykšenä , nyt šielä on Kozlovan kyläkunnan keššyš .Kozlova on yksi Tverinkarielan piälinnoista .Matka Kozlovalda Spiirovah on 32 kilometrua , Tverih šuat on lähillä 120 kilometrua .Kozlovalla on läššä 350 eläjiä , enämmiten tverin karielazet .
Keški s’olua šeizou vanha vuožina 1803–1834 srojittu kivihini Vedenʼnʼan kirikkö .Vuožina 2006–2008 kalmizʼon lähellä oli srojittu uuži puuhine Aleksei Sibirskoin kirikkö .
Kirikkökyläššä on kyläkunnan ohjavo , keški škola , lapšin päivä kodi , kulʼtuura talo , biblʼotekka , pošta , bol’ničča aptekanke , moni laukkua .Kozlova on šoma kirikkökylä !
Smirnovilla on oma šuuri hirži talo Karel’skaja -uuličalla .Jyrgi iče sroji hänen tuatonke da vellenke .Talošša on viizi pertie , šoppi da šuuri sinčo .Talon taguana on tanhuo , missä pietäh lehmiä , poččie da kanua .Talon pihašša on kaivo , pieni kyly da garaža mašinalla varoin .Talon reunalla on šoma sadu juablokka - da sliiva puuloinke .Tanhuon taguana on ogorda .
Ymbäri kyläštä ollah pellot da mečät .Mečäššä kažvau marjua da gribua .Kozlovan keššeššä virduau Sudoml’a -jogi .Jovešta šuahah kalua .
Kozlova
Karelian Proper
New written Tver