Texts
Return to list | edit | delete | Create a new | history | Statistics | ? Help
Smirnovin talo
Smirnovin talo
Karelian Proper
New written Tver
Smirnovilla on
oma uuži hirži talo .Jyrgi iče sroji žen .Tuatto da velli autettih hänellä .Talo on kakši jatuažane , šielä on viizi pertie .Enžimäzeššä jatuažašša on šuuri perti , vanhembin magavo perti , šoppi , pieni ruado perti .Toizešša jatuažašša on Jyrrin da Oks’on magavo perti balkonanke , Kir’un magavo perti da vällä lapšin perti .
Konža tulet Smirnovin luoh , niin enžistäh piäžet sinčoh , missä on viizi ovie : pihalla , aittah , lämmityš pertih , kežä pertih da talvi pertih .Talvi pertissä on šuuri prihoužoi , mistä voiččou piäššä šuuri pertih , šoppeh da ruado pertih .Vielä prihoužoissa ollah pordahat toizeh jatuažah , šeinällä rippuu šuuri zirkalo .Molemmašša jatuažašša on oma peziečendä perti da ubornoi .Yheššä peziečendä pertissä on vanna , toizešša on duuša da pežu mašina .
Šuuri pertissä ollah šuuret ikkunat zanaveskoinke .Miebelistä on divana da kolme kreslua , šuuri stola da žen ymbäri šeiččimen stuulua .Šeinäššä on televiizora da pal’čat kniigoinke da kukinke .Luašša rippuu šuuri šoma lampa .Lattiella venytäh koissa kuvotut huršit .
Šopešša ollah kaikenmuozet škuappazet aštieloinke .Näistä löydyy kaikki , midä pidäy varuštuas’s’a šyömistä : kastr’ul’at , kattilat , puat , riehtilät , mal’l’at , šieglat , härkimet , pavarčat , labiezet ...Palčazilla šeizotah šomat čaškat blʼučoinke , torelkat , purdilot da stokanat .Luzikat , vilkat da veičet ollah stolan juaššikašša .Vielä šopešša on šuuri jiä škuappa , rakovina da pliitta .Pliitalla šeizou čainiekka .
Lapšin perti on vällä da valgie .Šielä on kakši kravattie , kamoda , vuate škuappa , stola da žen ymbäri skammizet .Šeinissä riputah palčazet bobozinke .Lapšet ylen šuatah kizata omašša pertissä .
Smirnovilla on šuuri talo , dai pereh ei ole pieni .Jogohizella varoin löydyy oma paikkane .Talo on lämmin .Lämmityš pertissä šeizou kiugua , kumbane vejellä lämmittäy kaiket pertit .
Smirnovin talo
Karelian Proper
New written Tver