Texts
Return to list | edit | delete | Create a new | history | Statistics | ? Help
Kuin luadie piiraintaiginua
Kuin luadie piiraintaiginua
Karelian Proper
New written Tver
Aivoin
huomnekšella tytöt tuldih šoppeh , šielä buabo opašti heidä valmistamah piirain taiginua .Midä einehie pidi taiginah , kaikki oli jo varuššettu stolalla .
Tytöt , Nata i Maša , katettih tukat valgeilla paikkazilla , šivottih pelvaš perennikät , kyžyttih buabolda :
– Midä enžiksi meilä pidäy ruadua ?
– Jauhuo pidäy šiegluo , štobi hänen keškeh ei jäis’ nimittynäzie soruloida .
– Millä jauhuo pidäy šiegluo ?
– Täššä on šiegla , täššä jauhot .
Kodvan tytöt šieglottih jauhuo , a buabo ših aigah palavoitti litran maiduo , valo hänen taigina -aštieh , pirotti šinne 50 grammua šeppiä , peskuo da šuolua vähäzin , ynnäh mittuamatta .Buabo mahto hyvin arvata midä da min verran pidäy taiginah , no tyttölöillä neugo ylen hyvin , šano heilä , konža jauho oli jo valmis’ :
– Kuunnelgua tarkah , voiččou kirjuttua , a mie hyvin muissan midä da min verran jogo taiginah pidäy :
Otamma yhen litran maiduo , vähäzeldi šidä palavoitamma .Pirotamma 50 grammua šeppiä .Otamma viizi grammua šuolua , 100 grammua peskuo , yhen jäičän .Šidä kaikki ylen hyvin ševotamma , pirottuan vähäzin jauhuo .Katamma puhtahalla käzipaikalla , panemma lämbimän kiuguan reunah noužomah .Konža taigina noužou da kažvau puolda šuuremmakši , piekšämmä , liziämmä jauhuo , šidä tuašen noššamma muiguomah da noužomah .Kahen –kolmen čuasun piäh taigina on valmis’ , voit paistua piiraida .
Nasto -buabo jo aivoin huomnekšella keitti risu kuašan , žuari lisičkat šuurella riehtilällä , pilko juablokat .Risu kuaša da šienet jo jähyttih , nyt oli jo hyvä luadie piiraida ...
Kuin luadie piiraintaiginua
Karelian Proper
New written Tver
–
–