Texts
Return to list
| edit | delete | Create a new
| history
| Statistics
| ? Help
Neverov Aleksandr.
Hukka šeinällä
Source:
Novak Irina, Komissarova Irina, Miun harpaukšet karielan kieleh: tverinkarielan algukursa, 2019, p. 131
Karielan kielen učebnikka -kniigašta
Neverov Aleksandr
Hukka šeinällä
Karelian Proper
New written Tver
Ninazella mama šaneli šuarnan hukkah näh, a Ninane pikkarane oli, dogadi šeinällä oman kuvahazen – pölläšty.
Duumaiči, tämä on hukka.
Kiännäldi piän, i kuvahane šeinällä kiännyldi.
Vielä enämmäldi Ninane pölläšty, rubei äijäldi itkömäh.
Muamoh kyžy häneldä:
– Šie midä itet?
Ninane i šano:
– Hukka šeinällä istuu.
Seičas tahto miuh kočahtua.
Silitäldi muamoh Ninazen piädä, aleutti:
– Gluuppane miun tyttörukkane, tämä on šiun kuvahane.
Šeizauvu šeiniä vaš, tuaš hänen dogadit.
Šeizaudu Nina šeiniä vaš i lieni šeinällä kuvahane.
Kočahaldi Nina i kuvahane niin že kočahaldi.
Veššelä lieni Ninazella.
Logahti hiän nagramah i šiidä šuat ei ruvennun varajamah kuvahasʼtʼa.