Texts
Return to list
| edit | delete | Create a new
| history
| Statistics
| ? Help
Midä ruat? - Dialogat
Source:
Novak Irina, Komissarova Irina, Miun harpaukšet karielan kieleh: tverinkarielan algukursa, 2019, p. 63-64
Midä ruat? - Dialogat
Karelian Proper
New written Tver
– Terveh, Natto!
Läkki illalla kinoh!
– Terveh, Riigo!
En voi.
Mie kylmin...
– Oh-hoh.
Midä šiula kivistäy?
– Piä kivistäy, ryvittäy, olen vaivašša...
– Puistaugo?
– Ei.
Ka piäčakka tartu.
– Juo enämbi karbalovettä da tervehyt!
***
– Terveh, Paro!
– Terveh, Ilʼlʼa!
– Kunne šie kopitat?
– Bolʼniččah!
– Midä šiula kivistäy?
– Etgo iče niä?
– Nägöš on puhaldun.
Ongo že hambahan kivušta?
– On.
Pidäy leččie.
– A midä on šiun kiänke?
– Katkain proidijalla nedelillä.
– Oh-hoh!
Kuin šie näin?
Kivistäygo?
– Ei, jo parenou.
***
– Jyrgi, jalgeuvu, jo on huomneš.
Šiula pidäy ruavolla männä.
– Oksʼo, mie en voi noušša.
– Ka mintän et?
Kivistäygo šiula midäigi?
– Nenä ei hengitä, piäčakka tartu.
Olen vaivašša, piädä šärgöy, kero kivistäy, käzilöidä da jalgoida lomiu.
– O-ho-ho, šiun očča on palava, olet žuarušša.
– Miula on jiänöš.
– Olet läzeydyn.
Eglein täyven päivän oli niin vilu tuuli, a šie ildah šuat mečäššä kävelit.
Ka šielä i kylmit.
– Anna miula telefona, mie zvonin ruavolla, šanon, što jiän tämpiän kodih parenomah.
– Ota!
Miula tämpiän on joudupäivä, rubien šilma parendamah, miunke väliän tervehyt!