Texts
Return to review | Return to list
Anni, kusbo roijah...
history
May 17, 2024 in 15:21 Нина Шибанова
- created the text
- created the text: – Anni, kusbo roijah Olimpiadan tuliet kezäkižat? Tiijätgo sinä sen? – Minun mustamal, net roijah Francies. Voibi tarkendua se. Vuotas, kačon internetas. – Kačo, ole moine hyvä. – Katti, kuule vai, minä olin oigies. Tuliet kezäkižat roijah Pariižas vuvvennu 2024. Kačo, täh on kirjutettu, ku Pariižu jo kolmattu kerdua roihes Olimpiadan piendykohtakse. Olimpiadan kezäkižat oldih Pariižas vuvvennu 1900 da 1924. A jälgimäzekse Olimpiadukižoi piettih Francies vuvvennu 1992 Al’bervillis. Nämmä oldih talvikižat. Katti, sinähäi suvaičet kezäkižoi. Mittumih sportulajiloih olet kiinnostunnuh? – Kuulužat kezäsportulajit ollah ulgoatlietiekku, kauneh- da sportugimnastiekku, uidelu da sinhronuidelu, verkomiäččy- da verkopezämiäččykižat. Minä ainos kačon kaunehgimnastiekkua da sinhronuideluu. Nämmä ollah čomat sportulajit dai meigäläzet sportumiehet ainos ollah parahimat joukos. Sergoi, midäbo kačot? Mibo menöy televiizoras? – Kačon Olimpiadukižoi. Tänäpäi on hiihtoammundan vaihtokilbu. Kilbaillah miehet. Ven’an joukko on nygöi toizel sijal. Norviegielazet ollah viitty sekundua iel. Se on ylen vähä. Terväh toine etuappu lopeh, ielpäi vie on kaksi. On aigua tavata da jättiä jällele norviegielazii. – Pidäy vai ambuo hyvin da hiihtiä kirkieh. – Se on tottu. Ammundas da hiihtändäs kai rippuugi. – Sergoi, uskotgo meigäläzien voittoh? – En uskos, sit en ni kaččos. Ylen äijäl tahtozin, ku meigäläzet voitettas. Ei lykystännyh heidy jälgiaigua, kerran vai voitettih hiihtoammundan muailman kilvois. Kaksi kerdua piästih toizele sijale da kerdu kolmandele.