VepKar :: Texts

Texts

Return to review | Return to list

Tänäpäi Olimpiadukižois Pekinas...

history

May 17, 2024 in 15:35 Нина Шибанова

  • created the text
  • created the text: Tänäpäi Olimpiadukižois Pekinas meigäläine Aleksandr Bol’šunov on voittanuh hiihtomarafonas. Se oli miehien jälgimäine hiihtokilbu täl Olimpiadal. Distancii tuulen da pakkazen siän periä oli lyhendetty 50 kilometris 28 kilometrissah. Parahakse hiihtäjäkse sil rodih Aleksandr Bol’šunov, kudai nämmis kižois on suannuh kolmanden kuldumedalin. Hobjumedalin täs hiihtomarafonas sežo sai meigäläine sportumies Ivan Jakimuškin. Hyviä mieldy on sendäh, ku hiihtomarafonan kuvven parahan hiihtäjän joukos on vie kaksi Ven’anmuan sportumiesty: Art’om Mal’cev tuli fiinišale nelländenny da Denis Spicov kuvvendennu. Voimmo varmah sanuo, ku Aleksandr Bol’šunov on tämän Olimpiadan parahii sportumiehii. Nämmien kižoin aigah Bol’šunov on suannuh viizi medalii: kolme kuldumedalii, yhten hobjumedalin da yhten bronzumedalin. Kaikkiedah sportumiehel on yheksä Olimpiadois suaduu medalii.

The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages