Texts
Return to list | edit | delete | Create a new | history | Statistics | ? Help
St’opin huaveh
St’opin huaveh
Livvi
New written Livvic
Minä
suvaičen huogavuo luonnon helmas .Suvaičen kävellä mečäs da sovvella järvilöi da jogiloi myöte .Minä äijän kerdua olin meijän suuril järvilöil – Luadogal da Oniegujärvel .Nygöi ylen äijäl tahtozin piästä Baikal-järvele .Tiijän , Baikalassah on pitky matku .Ga uskon , ku konzutahto minun huaveh todevuu da minä kävynntälle järvele .Tuatto da muamo kannatetah minuu , hyö sežo rakkahal käydäs Baikalale .Hyö nikonzu ei oldu sie .
Baikal on Ven’anmuan kuulužin järvi .Se on syvin järvi muailmas da sit ollah suurimat suolattoman vien varat muailmas .Baikal on ylen vahnu järvi .Sil on 25-30 miljonua vuottu .
Baikal on ylen čoma da lumovuttai .Se nägyy järven kuvis .Baikalan vezi on puhtas da kirkas .Sen pohju nägyy 40 (nellälkymmenel ) metril syvytty .Järves ymbäri kohotah mäet da kallivot , kazvau meččy .Baikalan rannoil kazvajil kedroil da lehtikuuzil on 200-300 vuottu igiä .
Olen lugenuh , ku Baikal-järven da sen ymbäristön eläin - da kazvimuailmu on rikas .Sit on 2,6 (kaksi pilku kuvvesvuitti ) tuhattu eri kazvi - da elättilajiloi .Erähät (niidy on läs 1 700) kazvetah da eletäh vaiku sie .
Tiijän sengi , ku kezän aigua vezi järves ei ehti lämmetä .Räkkipäivinnygi se ei ole korgiembi 10 astettu lämmiä , sendäh kezoinkylbijii järvel tavan mugah ei ole .
Baikal-järvi on UNESCON vardoittavannu .Himoittas omin silmin nähtä järven čomuttu da omaluadužuttu .
St’opin huaveh
Livvi
New written Livvic