Texts

Aleksandr Puškinan luomisruado

May 20, 2024 in 14:45 Нина Шибанова

created the text
created the text: Aleksandr Puškin on kuulužu ven’alaine runoilii, kirjuttai, druamukirjuttai. Häi oli roinnuhes 6. kezäkuudu vuonnu 1799 Moskovas. Aleksandr Puškinan enzimäine runo piäzi ilmah, konzu hänel oli 15 vuottu. Hänen enzimäzenny suurennu tevoksennu oli Ruslan da L’udmila -runoelmu. Puškin enämbän seiččie vuottu oli kirjutannuh kuulužua Jevgenii Onegin -runotevostu. Sen enzimäine oza oli painettu vuonnu 1825, a kogonah tevos nägi päivänvalgien vuonnu 1833. Aleksandr Puškin on ven’an literatuuran klassiekku. Häi oli kirjutannuh äijän runuo, suarnua, kerdomustu, runoelmua, druamua, yhten runotevoksen. Aleksandr Puškinua pietäh ven’an nygyaigazen kirjukielen alguhpanijannu. Aleksandr Puškinan tevokset on kiännetty enämbän migu 200 kielele. Puškinan Kapitanan tytär -pitkiä kerdomustu suau lugie karjalan kielen livvin murdehel. Sen kiändäjänny oli tundiettu karjalaine kirjuttai P’otr Sem’onov. Puškinan runoloi kiändi livvin tundiettu karjalaine runoilii Aleksandr Volkov. Aleksandr Puškinan mustopaččahat on azetettu monis Ven’anmuan linnois da ulgomual. Hänen eloksele da luomisruavole omistetut muzeit ollah Moskovas, Piiteris, Novgorodas da äijis toizis Ven’anmuan linnois da ulgomual.