Texts
Return to list | edit | delete | Create a new | history | Statistics | ? Help
Terveh, Johor!
Terveh, Johor!
Livvi
New written Livvic
Terveh
, Johor !
Myö egläi tulimmo Ruočispäi kodih .Olimmo viizi päiviä Ruočin piälinnas - Stokgol’mas .Myö kävyimmö Ruoččih laival .Enzimäi ajoimmo omal mašinal Helsinkissäh .Sit ehtäl Helsinkispäi lähtimmö (laivu ) Stokgol’mah .Huondeksel jo olimmo Ruočin piälinnas .
Stokgol’mu on ylen čoma linnu .Minä enzi kerdua olin sie .Meijän matkan enzimäzenny piän myö kävyimmö kaččomah linnan histouriellistu keskustu ).Se on ylen čoma .Sit on vahnu čoma Kuningahan dvorču , Nobelin muzei , mondu kirikkyö da mustopačastu .
Minä ylen äijäl tahtoin kävvä Skansenah .Se on suuri etnogruafine muzei .Yhtes päiväs sie et ehti kaikkie kaččuo , sendäh myö kävyimmö Skansenah kaksi päiviä peräkkäi .
Skansen on vahnin etnogruafine ulgoilmumuzei muailmas .Se on perustettu vuvvennu 1891 da on sijoitunnuh 30 gektuarale muadu .Nämmä muat on juattu kahteh ozah , Skansenas on etnogruafine muzei da ainavo Stokgol’mas olii eläinpuusto .
Skansenas on enämbi 150 vahnua taloidu da huonustu .Niidy ruvettih tuomah kogo Ruočispäi vie muzein enzimäzinny ruadovuozinnu .Niilöis ilmenöy Ruočin muan histourii XVI vuozisuas algajen .
Joga Skansenas olijah taloih da huonukseh voibi nosta da kaččuo , kui enne elettih ruoččilazet muanruadajat .Niilöin rahmannoit ižändät , perindöllizih ruoččilazih sobih sellinnyöt , rakkahal vastatah gostii , sanellah heile omas elokses da omis ruadolois .Heijän kodilois kai on , kui oli enne .
Skansenas on kaikenmostu pajua .Niilöis voibi kaččuo , kui ruadau puuseppy , padaniekku da st’oklanpuhaldai .Joga pajal on oma laukku , sit voibi ostua ruoččilastu valmistehtu .
Skansenas eläinpuuston suurel alovehel eletäh kondiet , zubrat , ilvekset , meččypočit da äijät muut elätit .
Minuu ylen äijäl miellytti Skansen .Minä suvaičen histouriedu , suvaičen tiijustua uuttu eri kanzoin perindölöis da tavois .Skansenas minä tiijustin äijän ruoččilazis , sain omin silmin nähtä heijän endisty eloksentabua .
Johor , konzu roittos Stokgol’mas , kävy vältämättäh Skansenah .Smietin ,sinä sežo miellyt sih .
Midä sinä olet ruadanuh nämminny kezäpäivinny ?Oletgo kunnetah ajelluh vai olet kois ?Kirjuta , rubien vuottamah .
Tervehyzin , St’oppi
P .S .Huomei kirjutan ližiä meijän matkas .Sanelen , kunne vie kävyimmö da midä ruavoimmo Stokgol’mas .Kirjutan vähäzen laivumatkasgi .
Terveh, Johor!
Livvi
New written Livvic