Texts
Return to list | edit | delete | Create a new | history | Statistics | ? Help
Vierahien kielien opastundu da maltandu
Vierahien kielien opastundu da maltandu
Livvi
New written Livvic
Miikul , äijängo kieldy
sinä maltat ?
– Minä maltan ven’an kieldy , kui sinägi da kai Ven’al eläjät . Vie minä maltan karjalan kieldy .Minun perehes kaikin ollah karjalazet , tuatto da muamo keskenäh paistah karjalakse .Školas minä opastun anglien kieldy , sidä jo hyvin maltan .Vie minämkävyn suomen kielen kursiloile , jo kolmattu vuottu opastun suomen kieldy .Kuulin , ku meijän linnas roijah ruočin kielen kursit .Tahtozin opastuo ruočin kieldygi .
– Peša , a mittumii kielii sinä maltat ?
– Minä jo hyvin pagizen angliekse , maltan vähäzen germuanien kieldy , minun muamo ruadau germuanien kielen opastajannu . Vie minä kävyn vepsän kielenn kursiloile .Minun buabo oli vepsäläine , häi hyvin maltoi vepsäkse .Minun muamo kai ellendäy vepsäkse , ga paista pahakse mielekse jo ei malta .Minä olen kiinnostunnuh vepsän kieleh da vepsäläzeh kul’tuurah , sendäh kävyn vepsän kielen kursiloile .
– Jogo hätken sinä kävyt vepsän kielen kursiloile ?
– Jo tostu vuottu . Jo maltan vähäzen paista , maltan hyvin lugie da kirjuttua .Minä ainos luven vepsänkielizii lehtilöi da žurnualoi , kačon vepsänkielizii uudizii .Se rikastuttau minun sanavarastuo .Miikul , rubeimmo pagizemah kielien maltandas , ga tahtozin sit kyzyö sinul , midä mieldy olet kielien maltandas da opastundas ?Tänäpäi äijät ollah sidä mieldy , ku voibi maltua vai yhty anglien kieldy .Se on kanzoinväline kieli , sidä maltetah kogo muailmas .Ollahgo nämmä rahvas oigies ?
– Toinah ollahgi oigies . Ga minun tiedämäl rahvastu , kudamat opastutah toizii kielii , ei vai yhty anglien kieldy , on sežo ylen äijy .Minuu miellyttäy kielien opastundu da miellyttäy , konzu vierahas muas sinä voit paista rahvahanke heijän kielel .
– Minägi suvaičen opastuo kielii dai olen sidä mieldy , ku kielien maltandu on hyvyökse ristikanzale . Olen lugenuh , ku rahvahil , kudamat maltetah monii kielii , on hyvä musto , hyö ollah pagizijat , rohkiet da tarkusilmät .
Vierahien kielien opastundu da maltandu
Livvi
New written Livvic