Texts
Return to list | edit | delete | Create a new | history | Statistics | ? Help
Pidäygo maltua vierahii kielii?
Pidäygo maltua vierahii kielii?
Livvi
New written Livvic
Kogo
muailmas rahvas opastutah vierahii kielii , sendäh ku ellendetäh , mittuine tärgei on niilöin maltandu nygözes muailmas .Vierahan kielen maltuo tarvitah tänäpäi ruadokohtis , matkoin aigua , yhtevyksis toizien rahvahienke da monis toizis ruadolois da hommis .
Anglien kieli on tänäpäi kaikis kielilöis kuulužin .Sil pagizou enämbi 750 (seiččiesadua viittykymmendy ) miljonua hengie .Se on virralline kieli Brituanies , Irlandies , Yhtysvallois , Kanuadas , Uvves Zellandies .Anglien kieli on poliitiekan da biznesan , tiedoalan da sportukilvoin kielenny .Se on kommunikaciikielenny kogo muailmas .Sendäh sidä opastutah vierahannu kielenny kogo muailmas .
Ven’al anglien kieldy opastetah enimis školis .Äijis školis anglien kielen ližäkse vie suau opastuo germuanien libo francien kieldy .Karjalan tazavallas suau opastuo suomen kieldygi .Suomen kielen opastundu on ainos olluh kuulužannu meijän tazavallas .Oli aigu , konzu suomen kieli oli Karjalan tazavallas virrallizennu kielenny ven’an kielen rinnal .Tänäpäi suomen kieldy Karjalas suau opastuo päivykodilois , školis , opistolois , Petroskoin valdivonyliopistos .Äijät rahvas opastutah suomen kieldy kursiloil da kielikeskuksis .
Vierahan kielen maltandu on tänäpäi pättävy da tarvittavu .Ku maltanet vierastu kieldy , olet pädijänny ruadajannu ruadokohtas .Voit varuamattah matkustellagi .Voit kaččuo ulgomualazii fil’moi da uudizii .Voit lugie kniigoi , lehtii da žurnualoi vierahal kielel .Nenga tiijustat uuttu da suurendat omua tiedoalua .
Tänäpäi on äijy mahtuo opastuo vierahii kielii .Paiči školua vierahii kielii suau opastuo kursiloil da kielileirilöil , loittuolpäi da kodiopastajanke .Vai pidäy mustua , ku kielen opastundu on vagavu da jogapäiväine ruado .Omua kielineruo pidäy ainos kehittiä da parandua pagizendal , luvendal da kirjutandal .
Pidäygo maltua vierahii kielii?
Livvi
New written Livvic