Texts
Return to list | edit | delete | Create a new | history | Statistics | ? Help
Tuisku Meeri. Tilkuine
Tuisku Meeri
Tilkuine
Livvi
New written Livvic
Kävelin
mečis jo moni nedälii .Oli kezän čomin aigu , da minä joga päiviä
olin meččymatkois , kävyin lapsusaijas tuttuloile paikoile .Koppain tuohipuzun da piätin lähtie pedranheinykangahas poikki Pahanlammin suole .
Sinne vei leviettävy karjutie , kudai lopukse muutui kaijakse .
Hengitin lämmiä puhtastu pihkal andajua ilmua da ihailin igähizien pedäjien čomevuttu .Net oldih korgiet , suorat ku tuohukset , da niilöin rungot ruskottih huondespäiväzes .Mečäs oli hil’l’u , vaiku toiči meččylindu pörähtelihes oksalpäi toizele da čičetti ystävällizesti .
Jo olin lähäl suonreunua , konzu vouttamattah näin ruskeikeldazen kirjavan tilkun .Se oli kaidu da pitky , kolmekulmaine da moine čoma , ku silmii ei sua vediä .
– Oligo kummua ! Kenbo täs korbimečäs on midälienne ommelluh da heittänyh uvven tilkun pedäjikköh .Onnuako täs ei olluh nikedä kävelijöis , eigo ombelijois .(Elimmö Mari-buaban kel kahtei , meil oli vahnu Singer-jalgumašin , ga kezäl ei olluh aigua ombelemizeh ). Pidäy mennä lähembäkse da kaččuo !Kävelen tilkkupalua kohti .Se oli suuren kudžoimättähän lähäl , kudamas ymbäri rouno vihandu hursti oldih buolan varvat .
Azetuin kodvazekse , ga sit ajattelin , ku otan tuon tilkun ičelleh kormanih da ozutan Mari-buabale .Midä häi sanou ?
Lähenin tilkale , ga huomain , ku se ei olluh ni tilkuine , se oli valgeigrivan pereh .Net azetuttih muga čomasti rivih , ezmäi seizottih suurembat , sit pienembät da jälgimäzenny seizoi n’apin suuruine helei valgeigrivan šliäppy .Se kummalline grivoin pereh oli sijoitunnuh muale kolmikonnu da čomendi buoluhurstin omal kirkahuol .Ongo luondo nerokas !
Heitin tuohipuzun muale da rubein keriämäh sih čomii sangeijalgazii valgeigriboi .Niilöi oli yheksä gribua , toine tostu näbiembiä .
Keräin net puzuh , ukkain jogahizen šliäpän ; erinomaine haju täytti minun nenän .Olin ozakas !
Ajattelin , ku kaččelen vie meččytien reunoi toinah lövvän toizen moizen valgeigrivan perehen , ga kai oli sudre .Sil kerdua en löydänyh enämbiä ni yhty valgeigribua , ga minule täydyi nämmiigi .
Karjalakse kiändi Ol’ga Smotrova
Tilkuine
Livvi
New written Livvic