Texts
Return to list | edit | delete | Create a new | history | Statistics | ? Help
Syömizet. Hyviä syöndyhimuo!
Syömizet. Hyviä syöndyhimuo!
Livvi
New written Livvic
– Iivan , midä
sinä suvaičet syvvä ?
– Minä suvaičen lihua . Minä joga päiviä syön lihua .Murginakse myö ainos keitämmö liharokkua .Minä suvaičen kapusturokkua da borščii .Ildazekse myö sežo varustammo lihua , pastammo libo žuarimmo sidä .Ližättehekse keitämmö kartohkua , makaronua libo riissuu .A midäbo sinä , On’a , suvaičet syvvä ?
– Minä olen kalamuagari . Minä suvaičen kalua .Suvaičen žuarittuu kuhua da siigua , pastettuu lohtu .Myö puaksuh keitämmö kalarokkuagi .Iivan , ettogo työ syö kalua ?
– Syömmö toiči . Minun sizär suvaiččou kalua .Häi vouse ei syö lihua , sendäh muamo varustau hänele kalua .Myögi tuatanke syömmö sidä , ga lihua suvaičemmo enämbäl .
– D’el’a , oletgo sinä kazvinsyöjy ? Ni lihua , ni kalua et syö .
– Olen . Minä vie pienenny en rakkahal syönnyh lihua .Kazvahuu vouse heitin lihan da sit kalan syöndän .Minä suvaičen ouveššiloi da puunandimii , syön gribua da marjua .Keitän ičele kuaššua da rokkua pabukazvilois .
– Midäbo sinä varustat ouveššilois da puunandimis ?
– Minä suvaičen havvottuloi da pastettuloi ouveššiloi . Keitän niilöis rokkua libo luajin saluattua .Puunandimisgi puaksuh varustan saluattua .
– D’el’a , oletgo sinä kieldävynnyh maidohizien syöndäs ? Oletgo sinä niilöi vagavii kazvinsyöjii , ken ei syö maidohistugi ?
– En ole kieldävynnyh . Minä syön ruahtuo da juon kefiirua .Puaksuh varustan ičele ruahtopastostu .Se on magei .
– Minägi suvaičen ruahtopastostu . Pastettuu vie ližiän sih magiedu painindu , sit se tottu rodieu magei .Minä olen magien muagari , suvaičen syvvä magiedu .
– Kuibo sinä varustat magiedu painindu , Katti ? Midä panet sih ?
– Panen fruktua libo marjua , ližiän vähäzen zuaharipeskuu libo metty da terväzeh keitäldän kai . Kannateksesgi luajin painindu .Ga se ei ole moine magei , kui fruktois libo marjois .
– Pidäy minulgi moine magei painin oppie luadie . En ole varustannuh sidä .
– Varusta . Duumaičen , se rodieu sinule mieldy myöte .
Syömizet. Hyviä syöndyhimuo!
Livvi
New written Livvic